No Comments التسويق الالكتروني

سمعنا كتير أوى عن مجال إسمو سيو  وناس كتير أوى حاولت إنها تقرأ عنو أو حتى تتعلمو لقت إن الموضوع مش سهل ومافيش حد بيشرحه كلوا , علشان كده قولنا إننا هنحاول نشرح السيو و نبتدى من الأول خالص.

مبدئياً : معنى كلمة سيو :-

هو اختصار لـ Search Engine Optimization 

الـ Search Engine هو الموقع اللى ممكن تعمل عليه بحث عن أى خدمة إنت محتاجها زى Google أو Bing أو Yahoo .
والـ Optimization يعنى إنك تحسن الموقع بتاعك من الداخل والخارج علشان ترتيبه يعلى وطبعاً هوضح الكلام دة فى الأجزار المتتالية إن شاء الله .

طب إيه الى هيفرق معايا لو موقعى طلع فى أول نتيجه فى محركات البحث !! ده هيهمنى فى إيه ؟

مش أنت لما بتحتاج تدور على أى خدمة أو منتج معين أول حاجه بتفكر فيها إنك تبحث على جوجل ؟

نفس الوضع أكتر من 90% من الناس بتعمل كده

طيب ولما بتطلعلك النتايج مش فى الغالب انت بتدخل على أول لينك أو التانى بالكتير؟ اهو أكتر من 80% من الناس بتعمل كدة برضة

طب تخيل بقى لو انت عندك خدمة أو منتج معين ونفسك انك تحقق منوا مكسب مالى و أنت اللى بتطلع فى النتائج الأولى فى النتائج الى ظهرت على جوجل .. أنت متخيل مكسبك أد إيه ؟؟؟؟؟؟؟؟

علشان كده الـ سيو مهم جداً فى الأيام دى , خصوصاً إن كل يوم عدد الناس اللى بتستخدم الإنترنت بتزيد عن اللى قبله

والسؤال المهم هنا هو أزاى أشتغل سيو الى عن طريقة أأقدر أحسن من ترتيب موقعى فى نتائج البحث ومنها إنى أتصدر نتائج البحث  ؟؟؟

علشان تشتغل سيو صح وتتصدر نتائج البحث بسرعة لازم تمشى على القوانين والمعايير الى حددها ليك جوجل .
وقبل ما نشتغل على المعايير لازم أولاً نفهم محرك البحث جوجل بيشتغل إزاى ؟

الأنترنت عامل زى شبكة مترو الأنفاق كلها منفدا علي بعضها سواء بطريقة مباشرة أو بطريقة غير مباشرة , وده عن طريق عنوان الموقع أو اللينك بتاعة .
وهنا بقى جوجل بيبداء يستغل الشبكة دى ويبدأ فى جمع اللينك الخاص بالمواقع المنشورة على الانترنت ويبداء يصنفها ويحط كل موقع فى القسم الخاص بيها .
وجول بيقوم بالطريقة دى عن طريق إنوا بيبعت الجواسيس بتوعة الى هما إسمهم ” عناكب البحث ” أو ” Crawlers ” داخل المواقع علشان يقرؤوة ويفهموا الموقع دة بيتكلم عن إية ويبدائو فى عملية تخزين كل موقع فى الأرشيف الخاص بيه علشان لما أى حد يقوم بالبحث على جوجل عن أى خدمة عناكب البحث هنا بتدخل الأرشيف وتدور على نوع الخدمة من الأرشيف بتاع جوجل وبتظهرة فى صفحة نتائج البحث .
وبيتم ترتيب نتائج البحث وفقاً لمعايير محددة .

يعنى من الاّخر جوجل عامل زى المكتبة المنقسمة  لعدة أقسام وتصنيفات وكل قسم أو تصنيف بيسمى أرشيف ودة المكان الى بيتخزن فية الكتب المنتمية للتصنيف دة , وانت كل الى عليك كفرد باحث انك تدخل المكتبة وتبحث عن كتابك الموجود فى القسم المعين الخاص بموضوع كتابك .
فى الجزء التالى هنتكلم عن ازاى تهيئ موقعك وفقاً للمعايير الى محددها جوجل علشان تقدر تتصدر نتائج البحث .

الكلمات الدلالية

Leave a Reply

Your email address will not be published. Required fields are marked *